Ադրբեջանական զորքերը հե՞տ են քաշվել Իշխանասարի տարածքից

Ադրբեջանական զորքերը հե՞տ են քաշվել Իշխանասարի տարածքից

Հայաստանի Հանրապետության պաշտպանության նախարարությունը մեկնաբանել է տարածված լուրը, թե ադրբեջանական զորքերը հետ են քաշվել Իշխանասարի հատվածում ՀՀ սուվերեն տարածքից:

«Արմենպրես»-ի հարցմանն ի պատասխան՝ Պաշտպանության նախարարությունից ոչ հաստատել, ոչ հերքել են լուրը՝ հորդորելով սահմանային իրադրության, զինված ուժերի տեղաշարժի, զբաղեցրած բնագծերի կամ այլ գործողությունների մասին տեղեկությունները տարածել ոչ թե հիմնվելով համայնքների ղեկավարների խոսքի, այլ ՊՆ պաշտոնական հաղորդագրությունների վրա:

Ավելի վաղ Իշխանասարի գյուղապետ Մարատ Պետրոսյանը հայտնել էր, որ Ադրբեջանի զինված ուժերը հեռացել են Իշխանասարի տարածքից։

«Այնտեղ, որտեղ մարտեր էին ընթանում, նրանք էլ չկան: Չգիտեմ, թե ինչքան են հեռացել։ Չգիտեմ՝ այդ դիրքերում հայ զինծառայողներ են տեղակայվել, թե ոչ»,-նշել էր նա։