ՀՀ երկրորդ նախագահը՝ իշխանությունների կողմից ընտրությունները կեղծելու մասին

Իշխանությունը պետք է իմանա, որ ընտրությունները կեղծելու յուրաքանչյուր քայլ այնպիսի արձագանք է ստանալու, որի տակից ինքը դուրս չի գալու: Այս մասին իր աջակիցների հետ հանդիպման ժամանակ նշել է ՀՀ երկրորդ նախագահ Ռոբերտ Քոչարյանը:

«Այդ արձագանքը պետք է լինի ագրեսիվ, վճռական: Եթե այդ մոտեցումը հանրային պահանջի ձեւով ձեւավորված լինի, ոչ մի իշխանություն այդ քայլին չի գնա, ռիսկը չի անի՝ հասկանալով, թե ինչ հետեւանքներ է ունենալու:Ես չեմ կարծում, որ իրենք բավարար ռեսուրս ունեն ն ման կարգի քայլերի գնալու համար: Միանգամից հարցը պետք է լուծել այլ ճանապարհով: Ձեզնից է կախված»,-ասաց նա: