44-ամյա տղամարդը սպանել է 82-ամյա տարեց կնոջը

Փետրվարի 8-ին, ժամը 18.55-ին, ոստիկանության Երևան քաղաքի վարչության օպերատիվ կառավարման կենտրոնից ոստիկանության Շենգավիթի բաժին հաղորդում է ստացվել, որ Նորագավիթի 1-ին փողոցի տներից մեկում մահացած կին կա:
Ձեռնարկված միջոցառումների շնորհիվ պարզվել է, որ անհայտ անձը սուր-կտրող-ծակող առարկայով հարվածներ հասցնելով 1939 թ. ծնված Լուսյա Մկրտչյանի պարանոցին՝ սպանել է նրան:
Դեպքի առթիվ հարուցվել է քրեական գործ։
Ոստիկանության ՔՈ գլխավոր վարչության, Երևան քաղաքի վարչության և Շենգավիթի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ պարզվել է, որ կնոջը սպանել է Նորագավիթում բնակվող 44-ամյա տղամարդը։ Փետրվարի 9-ին, ժամը 04.00-ին, նա հայտնաբերվել ու, սպանություն կատարելու կասկածանքով, բերման է ենթարկվել Շենգավիթի բաժին։ Անձնական խուզարկությամբ տղամարդու մոտ հայտնաբերվել է հանցագործության գործիք դանակը:
Տղամարդը ձերբակալվել է։
Կատարվում է նախաքննություն:`

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: