Ջո Բայդենը ստորագրեց ռուսական էներգակիրների ներկրումն արգելող օրենքը

Ջո Բայդենը ստորագրեց ռուսական էներգակիրների ներկրումն արգելող օրենքը

Միացյալ Նահանգների նախագահ Ջո Բայդենը ստորագրել է Ուկրաինայի վրա հարձակման կապակցությամբ Ռուսաստանի և Բելառուսի նկատմամբ լրացուցիչ պատժամիջոցների երկու օրինագիծ:

Առաջին օրենքով արգելք է դրվում Ռուսաստանի Դաշնությունից նավթ և այլ էներգակիրներ ներկրելու վրա: Մյուս օրենքով դադարեցվում է Ռուսաստանի և Բելառուսի հետ բնականոն առևտրային հարաբերությունների ռեժիմը:

Որպես կանոն, Միացյալ Նահանգների ղեկավարը կարող է սանկցիաներ ընդունել իր հայեցողությամբ, սակայն որոշ դեպքերում դրա համար անհրաժեշտ է օրենսդիրների համաձայնությունը:

Այդպիսին էր Ռուսաստանին առևտրի բարենպաստ պայմաններից զրկելու որոշումը, որին նախ հավանություն են տվել Կոնգրեսում:

Աղբյուրը՝  Ազատություն ռադիոկայան